Google+ Followers

2016年1月31日 星期日

[飲食] 食得夠燒魂*

今日全日都落住雨,約了友人到尖沙咀shopping ,行行下覺得又攰又餓,想食個大餐,最好就任食,咁凍既天氣,食燒肉就最好不過。
燒魂一的相片 - 尖沙咀


見到燒魂個燈箱就令我地流哂口水,於是就揀咗呢間。
燒魂一的相片 - 尖沙咀
我們兩個女仔,食平日8:15-10:15時段,價錢268另加一服務費。
燒魂一的相片 - 尖沙咀
入面都好多座位,每枱都有一個爐,地方幾闊落,不過地板有d油,可能因為油煙多加天雨路滑,要小心d行。我地被安排坐梳化坐,可以望到街外既風景。每人都有三款不同味道的醬汁供沾肉時吃,有燒肉汁,泰式青辣汁及辣醬。
燒魂一的相片 - 尖沙咀
枱面有個小箱子放點餐紙,Menu肉類既選擇好多,牛既每個部位都有,除咗肉類多之外,食物種類亦很多,有十幾張點菜紙揀不完。

兩個女仔食唔到好多野,雖然有壽司刺身可以吃,但我地主供燒肉,所以每款牛肉都點左幾件黎試吓。
燒魂一的相片 - 尖沙咀
之前已經聽說這裏的牛肉質素不錯,果然不負眾望,牛肉很大盤,呈鮮紅色,望落已經極其吸引,不是普通的質素。
燒魂一的相片 - 尖沙咀
❤️黑霧霜降和牛,肉汁豐富,咬落亦不韌,十分Juicy。

❤️汁燒安格斯一口牛,紋理清晰可見,入口牛味濃郁。

❤️黑椒一口牛肋肉,脂肪比例分布均勻,肉質亦夠嫩。

❤️熊本一口和牛,細細粒容易熟,啱啱好一口食哂。

❤️青檸蒜味牛舌,咬落爽口,不過蒜味不夠重。

咁多種牛肉,食到都分唔到邊種打邊種😂
燒魂一的相片 - 尖沙咀
相比牛肉,其他肉類稍為遜色,不過黑豚腩肉及雞中翼亦不錯。

❤️黑豚腩肉,薄切,燒一會兒便變得脆口,

❤️雞中翼燒後十分脆,而且醃得夠入味。
燒魂一的相片 - 尖沙咀
這樽鹽令到肉嘅鮮味更出
燒魂一的相片 - 尖沙咀
❤️北海道香草牛油帆立貝,大粒且肉厚,附有牛油在旁,溶化後令帆立貝更加香。

❤️日本小玉貝,燒起上黎好易出水,夠新鮮。

❤️有機超甜菠蘿,好甜又多汁
燒魂一的相片 - 尖沙咀
❤️燒牛油粟米,粟米好甜
燒魂一的相片 - 尖沙咀
韓式餃子鍋,炸脆了的餃子浸在湯內變得淋了,所以餃子不好吃,反而鍋入邊的菜酸酸甜甜,可中和燒肉的油膩。
燒魂一的相片 - 尖沙咀
每人只包一罐飲料,如果再叫要另外比錢,而且價錢很貴,我就揀左黑糖薑茶,消除熱氣。原來呢度不設有甜品,所以我地再叫多幾片菠蘿黎燒當甜品,如果餐廳可以加設甜品就更好了。發現了原來換燒烤網都要加$30, 每人有一次機會換會比較好。

這裏肉類質素不錯,價錢不算貴,可再encore!


燒魂一
尖沙咀漆咸道南57-59號金馬倫中心2樓

2016年1月30日 星期六

[飲食] 九龍城的泰菜以外

九龍城貴為香港的泰國野集中地已經眾所皆知,今日同我一齊係九龍城搵食果位竟然話最近食得多泰菜要食其他,真係考起我。
新越越式料理的相片 - 九龍城


好在行過一間鋪佢竟然話想試 ......

其實越菜同泰菜咪差唔多,不過佢話唔一樣咪唔一樣😂
新越越式料理的相片 - 九龍城


呢間入面座位唔多,店內主要以白色為主
新越越式料理的相片 - 九龍城
枱上放左醬汁比客人自己點
新越越式料理的相片 - 九龍城
餐牌種類都幾多,價錢唔算,貴粉麵套餐都係$40-$50
新越越式料理的相片 - 九龍城


特式拼盤 $98

都幾多野食,有4樣野,一次過滿足哂4個願望: 沙律,串燒,扎肉,春卷。沙律清清地,作為前菜可以開開胃。串燒可能燒的時間多了點,口感有少少硬,點返多d醬汁好味d。扎肉味道唔錯,切得不厚,方便入口,還可以配合湯河食。春卷就整得很出色,皮夠薄,炸得香脆,餡夠多,熱辣辣點埋酸汁好醒胃!
新越越式料理的相片 - 九龍城
新越越式料理的相片 - 九龍城
生牛肉湯河 $46

越式食物既代表,上枱時已經見湯底是濃濃的啡色
新越越式料理的相片 - 九龍城
而香味隨之而來。牛肉還是紅色的,好快,生牛肉已已比熱湯煮熟。還有湯內的洋蔥令口腔保持清新地去享受牛肉!
新越越式料理的相片 - 九龍城


炭燒豬排湯河 $46

這個湯底比起生牛肉湯河清一點,大量蔥花和芽菜為湯底生色不少。
新越越式料理的相片 - 九龍城
豬排大件又煎得夠香口,放在湯上又減少了豬排熱氣既感覺,而且那種豬排香,又隨隨滲入湯裡面。
新越越式料理的相片 - 九龍城


馬拉盞炒菜 $45

比起一般餐廳食的份量還要多。雖然如此,但菜沒有因份量多而難食,菜也沒有老的口感,食落爽口,而且馬拉盞味也不會太強烈。
新越越式料理的相片 - 九龍城


青檸梳打

跟餐仲有飲送,不過我加錢轉左青檸梳打,襯返杯越式飲料。

服務員態度都好好,幾有禮貌。

估唔到,九龍的泰菜以外,還有越菜!


新越越式料理
九龍城福佬村道41號地下

2016年1月29日 星期五

[飲食] 令我難以忘懷的咸豬手 *

經常同老公周圍搵食,所以早已忘記約會既感覺。今晚老公食飯話比個驚喜我, 十分期待!
Espuma的相片 - 灣仔


搭𨋢上到嚟,見到一間好有情調的餐廳,已經有初初拍拖既感覺。
Espuma的相片 - 灣仔
Espuma的相片 - 灣仔


入面燈光昏暗,裝修有格調,唔會好嘈,好適合情侶拍拖。
Espuma的相片 - 灣仔


Menu圖文並茂,好多都好吸引,可惜得兩個胃,叫唔到好多野。

香脆鹹豬手

香脆鹹豬手 - 灣仔的Espuma
香脆鹹豬手


香脆鹹豬手 $238

好大碟既豬手,本身冇特別鐘意豬手既我都被吸引住。用叉叉起豬手,層次分明。食後更加難以忘記佢既味道!

香脆鹹豬手

香脆鹹豬手 - 灣仔的Espuma
香脆鹹豬手
豬手既三層:皮,脂肪同埋肉一樣咁出色。先講皮,脆而不硬,一般豬手最難控制既就係皮,好容易因為過左火喉而變得硬。脂肪本身自己最唔鐘意食,但係呢個豬手既脂肪位係令我入口覺得好舒服,冇肥既感覺,好重骨膠原!肉煮得夠淋,肉嫩。

香脆鹹豬手

香脆鹹豬手 - 灣仔的Espuma
香脆鹹豬手
有三種醬汁可點,芥末,酸椰菜和燒烤醬,沾上令豬手更加惹味。

鵝肝黑松露醬意大利麵

鵝肝黑松露醬意大利麵  - 灣仔的Espuma
鵝肝黑松露醬意大利麵


鵝肝黑松露醬意大利麵 $128

鵝肝煎得夠香,入口即溶。意粉夠creamy,入口質感覺得好滑,硬度適中,同埋一d都唔乾,大量雜菌同埋黑松露既配合,味道得以再提升。即使食完,個味道都仲留係口腔!

招牌水果茶

招牌水果茶 - 灣仔的Espuma
招牌水果茶


招牌水果茶 $42

有蠟燭底座暖住保溫,果味濃郁,甜得黎帶小小澀。

招牌水果茶

招牌水果茶 - 灣仔的Espuma
招牌水果茶
茶倒出嚟會有煙出,茶壺入面有青蘋果,橙,同埋蘭香籽,熱飲好暖胃。

紫薯火鍋

紫薯火鍋 - 灣仔的Espuma
紫薯火鍋
紫薯火鍋 $88

一般食開都係朱古力同芝士,呢度竟然有紫薯味咁特別,好多唔同配料可以點,生果比較新鮮。

紫薯火鍋

紫薯火鍋 - 灣仔的Espuma
紫薯火鍋
不過個人覺得綿花糖最能突出紫薯味道。仲有黑色既puff 同麻薯,麻薯有雲尼拿,朱古力同綠茶味,就咁食都好煙韌。

好開心今日食到咁有質素既餐廳,期待下次再有機會食。


Espuma
灣仔皇后大道東202號QRE Plaza 25樓

2016年1月28日 星期四

[飲食] 朝聖一下

Next station dessert 已經想食左好耐
Next Station Dessert的相片 - 旺角
因為佢甜品款式比較特別,可惜每次經過都見到排大長龍,咁橋今日落雨,去到唔洗排隊,所以就即刻衝入去試下。
Next Station Dessert的相片 - 旺角
Next Station Dessert的相片 - 旺角


入面有分兩個區域俾人坐,座位都算幾多,外面係以吧枱高桌為主,廚房係開放式。
Next Station Dessert的相片 - 旺角
Next Station Dessert的相片 - 旺角
望住menu每樣都好想試,因為好多款式都好少有,咁我就揀咗其中兩樣比較出名嘅黎試吓。
Next Station Dessert的相片 - 旺角


一開始每人有一杯水
Next Station Dessert的相片 - 旺角


Test Tube 2.0 $68
Next Station Dessert的相片 - 旺角


最左手邊係Oasis(椰子奶凍,菠蘿慕絲),上面係半片乾檸檬,面頭係一粒粒椰子奶凍,下層係菠蘿mousse,椰子奶凍呈乳白色,入口有淡淡嘅椰子味,下邊嘅菠蘿mousse入口酸酸甜甜,椰子奶凍同菠蘿mousse真係出奇地夾,入口異常香滑。
Next Station Dessert的相片 - 旺角


中間係伯爵紅茶奶凍,上面有一層泡沫,下面係紅茶奶凍,入口有一貫慣常伯爵紅茶的味道又帶點點奶茶味。
Next Station Dessert的相片 - 旺角


特濃朱古力慕絲,上面係白朱古力碎,中間有少少紅莓醬,最底層係朱古力mousse,特濃朱古力嘅朱古力味超濃,入口mousse非常軟滑。
Next Station Dessert的相片 - 旺角


栗香紫薯山

賣相好靚,上面有大大塊紅色嘅糖,一大條啡色嘅栗子醬橫跨整個碟面,影相出嚟好有霸氣。
Next Station Dessert的相片 - 旺角
紫薯味不算太濃,但紫薯下有鬆脆的餅底,配合栗子醬加杏仁的脆口,感覺有點滯及飽肚,但再吃一口上面的青檸雪芭後,滯的感覺突然消失,兩者配合得很好,果然不錯!

走嘅時候,見到隔離枱叫咗每人一個芝士撻拎住一齊影相,又幾正喎,下次可以成班fd黎食撻。


Next Station Dessert
旺角黑布街13號地舖

2016年1月27日 星期三

[飲食] 吃得到的辣*

呢幾日天氣咁凍,朋友話不如食啲辣野暖下胃,就提議不如食四川菜,於是book咗尖沙咀嘅川𤋮樓。
川熙樓的相片 - 尖沙咀


招牌紅色,入面亦好有中國feel
川熙樓的相片 - 尖沙咀
中間有三大張圓枱,兩邊有幾張四人台。
川熙樓的相片 - 尖沙咀


店內採用嘅茶叫苦蕎茶,係一種炒米茶,呈青色,有助降低血糖同埋血壓,好健康。
川熙樓的相片 - 尖沙咀


餐牌大部分食品都係辣既

椒麻鹽水蝦

椒麻鹽水蝦  - 尖沙咀的川熙樓
椒麻鹽水蝦


椒麻鹽水蝦 78

係一個冷盤,似沙律蝦,杯底有好多細粒嘅青瓜,蝦肉咬落好爽口,整個感覺好輕盈好fresh,作為前菜非常醒胃。

冰鎮翡翠螺

冰鎮翡翠螺 - 尖沙咀的川熙樓
冰鎮翡翠螺


冰鎮翡翠螺 98

翡翠螺好大隻,食落好新鮮爽口,可以配上芥辣同豉油。

麻辣冷鍋魚

麻辣冷鍋魚 - 尖沙咀的川熙樓
麻辣冷鍋魚


麻辣冷鍋魚 208

好大鍋,好美味,因為魚肉好完整,冇煮到爛晒,帶少少麻辣味,冇腥味,令人忍唔住一口接一口食晒成煲野,煲底有薯粉,煙煙韌韌令人好飽。

辣子生蠔

辣子生蠔 - 尖沙咀的川熙樓
辣子生蠔


辣子生蠔 248

成盤紅色,上面有大量乾辣椒同香料,生蠔好肥美,冇因為炸完而縮細咗

辣子生蠔

辣子生蠔 - 尖沙咀的川熙樓
辣子生蠔
炸粉唔厚,唔會太肥膩,帶點微辣。

蜀香啤酒鴨

蜀香啤酒鴨 - 尖沙咀的川熙樓
蜀香啤酒鴨


蜀香啤酒鴨 $168

雖然佢叫啤酒鴨,但係佢一啲啤酒味都冇,適合任何年齡人士享用,鴨肉亦都頗多。

生炒牛肉飯

生炒牛肉飯 - 尖沙咀的川熙樓
生炒牛肉飯


生炒牛肉飯 138

有啲似港式嘅楊州炒飯,飯炒得夠乾身,有鑊氣,可以中和其他食物嘅辣味。

泡椒娃娃菜

泡椒娃娃菜 - 尖沙咀的川熙樓
泡椒娃娃菜


泡椒娃娃菜 98

平時食開上湯浸娃娃菜,第一次食泡椒 娃娃菜,都有啲擔心會辣得滯,上枱見到有兩粒紅椒,食落去辣度係接受到嘅程度,娃娃菜浸得夠淋身,不錯。

我本身唔係好食得辣但都食到呢度既辣,下次可以再試吓挑戰其他。


川熙樓
尖沙咀亞士厘道17-19號2樓